Mercedes-Benz: 140 illik innovasiya və gələcəyin mobilliyinin formalaşdırılması

29 yanvar 2026-cı il tarixində baş tutan yeni Mercedes-Benz S-Class modelinin dünya premyerası Mercedes-Benz üçün 140 illik yubiley ilini simvolik olaraq açdı. Bu hadisə brend tarixində ən genişmiqyaslı məhsul mərhələsinin başlanğıcını qoydu.

1886-cı ildə Karl Benz tərəfindən ilk avtomobilin patentləşdirilməsi ilə müasir fərdi mobilliyin əsası yaradıldı. Həmin andan etibarən Mercedes-Benz tarixinin istiqaməti dəyişməz qalıb — daim irəli. Brendin 140 illik yubileyi irs və innovasiyaların fasiləsiz vəhdətini vurğulayır; bu yanaşma onilliklər ərzində avtomobil sənayesinin inkişafını formalaşdırıb.

Yubiley ilinin başlanğıcı Mercedes-Benz tarixində ən iri məhsul proqramı ilə üst-üstə düşür. Qarşıdakı iki il ərzində brend 40-dan artıq yeni model təqdim edəcək. Bu modellər qabaqcıl texnologiyaları, müasir dizaynı və markaya xas olan əsas dəyərləri bir araya gətirərək bütün seqmentlər üzrə yeni standartlar müəyyən edəcək.

140 il ərzində Mercedes-Benz təhlükəsizlik, komfort, səmərəlilik və mühəndislik sahələrində ardıcıl innovasiyalara imza atıb — təhlükəsizlik kuzovundan və ABS sistemindən başlayaraq, bu gün elektrikləşmə, MB.OS rəqəmsal arxitekturası və MB.DRIVE ASSIST sürücüyə yardım texnologiyalarına qədər. Bu inkişafın əsasında brendin əsas prinsipi dayanır: Heritage Creates Future — irs gələcəyi yaradır.

Mercedes-Benz üçün 140 illik yubiley yalnız keçmişə nəzər salmaq deyil. Bu, avtomobili yenidən düşünmək, insanlara, cəmiyyətə və gələcəyin mobilliyinə yönəlmiş həllər təqdim etmək öhdəliyinin davam etdiyini nümayiş etdirir.